شاور زجاج

........................................(كبائن الشاور)...............................

.................................................................................................

في البدايه السؤال اللي بيتسأل دايما ايهما افضل الكبائن الجاهزه (ايديال وروبكس وداري وديروفيت) ولا الكبائن التفصيل اللي هي كبائن الزجاج

بص بقي الارخص كبائن الشاور الاكلريك الجاهزه(مش دايما اوي يعني :) بس دي تبقي مقارنه غير عادله سعريا بين الزجاج والاكلريك لاختلاف الاكسسوار المستخدم ..... الاكلريك بيبقي دايما الباب جرار علي مجري...( بلاستيك).... وبيبقي لونها ذهبي او فضي او ابيض .........اما الزجاج السيكوريت ففي منه جرار وفي منه بمفصلات وبيركب الاتنين باكسسوار استانلس(او تقليد الاستانلس ) وده طبعا اغلي من الاكسسوار البلاستيك بتاع الاكلريك ده من حيث السعر ..... اما من حيث الامان الاتنين امان لان من المفترض انه ......كبينة شاور...... بس في ناس عندها اعتقاد دائم ان الزجاج معرض للكسر بسرعه (فوبيا خطر الزجاج) بس ده مش صح مع الزجاج السيكوريت المستخدم في الكبينه لانه هو نفسه المستخدم في واجهات العرض بتاعت المولات والمحلات لانه بيبقي متعالج فيزيائيا بيحث يبقي اكثر صلاده ويستحمل صدمات اكتر ولو لاقدر الله انكسر هاينزل فتافيت صغيره اكبر حته قد حبة الحمص ومش هايعور حد... (او تعاوير بسيطه جدا)...والحاجه اللي هاتكسر الزجاج السيكوريت اكيد حاجه جامده حتي لو كان اكلريك كان انكسر بل بالعكس الزجاج هايستحمل اكتر..... اما من حيث....( النظافه والشكل ).......الاكلريك بيبهت مع مرور الوقت وبيصفر لانه بيتعرض لسخونة الميه كمان ببجير وبتبان في الجروح بسرعه .......علي عكس الزجاج لانه سطح املس....... بشوية ميه وجلانس سهل تنظيفه بيرجع حلو زي الاول بمجرد تنظيفه كمان الاكلريك اللي بيركب بيبقي تخانة 4 مم او 5 مم يعني نص سنتميتر علي عكس الزجاج بيبقي تخانة واحد سنتميتر (10 مم) .... كمان ممكن الكبائن الجاهزه تتعمل زجاج بس هايبقي تخانة 4مم او 5 مم ايضا علي حسب طلب العميل .......نوصل في الاخر ان المقارنه ماتنفعش ولازم كامهندس ديكور تبقي عارف المعلومات دي عشان تفهم العميل(الصوره تبقي واضحه عند العميل) كمان لازم تبقي عارف ان كل حاجه لها عمر افتراضي الكبائن الاكلريك الجاهزه عشان اكسسوارها بلاستيك مع الاستخدام بتفك ولو تلاحظ شكوي الدائمه للناس اللي عندها الكبائن الجاهزه انها بتفك من بعضها وبتسرب ميه مع مرور الوقت

نتكلم بقي عن الكبائن الزجاج

الكبان الزجاج بتبقي نوعين كبائن قدم او علي بانيو عادي

البانيو العادي لازم يكون متأسس تحتيه كويس ( متجهز طوب واسمنت ومونه كويس) عشان يستحمل وزن الكابينه (الكابينه الزجاج وزنها تقيل) وممكن تركب علي البانيو الاكلريك عادي.....لكن لو البانيو ...(زهر).... يتبني لازم تبني حواليه سيراميك الاول عشان الكابينه ماينفعش تتثبت علي البانيو الزهر

..البانيو القدم في نوعين ... الاول بانيو قدم جاهز وده انواعه كتير جدا بس اللي عايز اقوله هنا ان الكابينه بيبقي فيها نسبه تسريب صغيره فكل ماكان البانيو فلات هاتزيد نسبة التسريب فالافضل والاحوط انها تتعمل علي ميل كويس غير انه الافضل يكون ارتفاع الكابينه عن مكان سقوط المياه 4 سم ... النوع التاني انك تعمل صرف في الارض وتبني حواليه بالرخام او السيراميك ... نفس النصيحه حاول تخلي ارتفاعها يبدأ من 4 سم وهنا هايتركب رخامه تخانه 4 سم او هاتبني طوبه وتغلفها رخام حسب اللي هايمشي مع الديكور عندك .......... 

...... نصيحه(1)...... بلاش كبائن ابوابها جرار في الحمام وده عشان الاكسسوار الخاص بالجرار...... (النظيف منه )...غالي علي العميل هايبقي تكلف اوفر اوي عليه غير كده هايبوظ بسرعه 

...... نصيحه(2).....البانيو السيرف انسب حل ليه الكبائن الجاهزه (ايديال استاندر)غير كده تكلف عاليه( عشان تعمل حاجه نضيفه اوي) وشكل مش ظريف لو حاولت تلم الامور بكابينه زجاج

.... نصيحه(3)..... ركز اوي في الاكسسوار المستخدم لان في منه نوعين الاول وهو الافضل والامن (الاكسسوار الاستانلس) اما النوع التاني وبيطلق عليه مجازا اسم (اكسسوار زاما) بلاش منه خالص اخره سنه وبيقشر ومعرض انه يتقطم وده ياسيدي عباره عن اكسسوار واخد طبقه نيكل زي الحنفيات كده... افتكر ان قولت لك بلاش

.... نصيحه(4).....حاول علي قد ماتقدر يكون في صوره لشكل الكابينه تستلم بيها من الفني وهي هي اللي هاتسلم بيها العميل عشان بيبقي في لخبطه بعد كده انت في غني عنها

... نصيحه(5)..... حاول وانت بتستلم الكابينه تخبط عليها وتهزها (ايوه زي ما سمعت وقرأت كده) لان لو الكابينه فيها هزه تعرف انها اي كلام وما تخافش ده سيكوريت اخبط برحتك :)

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: