وين رايح؟
- بدي أهاجر😔
هجرة آمنة؟
- بحر عاليونان
بس هيك خطر وممكن تحرق قلب أمك وتكسر ظهر أبوك!
- مش مهم..بدي أشوف مستقبلي
طيب معك لغة؟
- لا
معك صنعة؟
- لا
عندك مهارة؟
- لا
أهااا..يبقى معك راس مال!
- لا
أحييه! على شو راكن ياهبيلة؟!
- بدي أعيش على حساب أوروبا
كم راح تكلفك رحلة الموت؟
- من 7000$ - 10000$
طيب هل تعلم بأنه مبلغ (1500$) يكفي تستثمر فيه بنفسك ويصير عندك دخل محترم؟
- عالفاضي فش شيء بينجح😤
انخمد واسمعني منيح..🤫👇
👈 200$ سعر كورس احترافي تتعلم خلاله مهارة مميزة ومطلوبة في سوق العمل الاونلاين
👈700$ لاب توب
👈تعلم لغة انجليزية مجانًا وبشكل احترافي من تطبيق مميز زي zamericanenglish
👈شوف حد محترف بالمهارات اللي تعلمتها وتدرب عنده بدون فلوس لمدة 3 شهور وتجهز للسوق
👈خلال هذا الوقت احذف مجموعات الهيبة واحنا دولة وضيف حسابات الخبراء وأصحاب المهارات واحضر ورشات عمل بمجالك واسمع محاضرات يوتيوب وتابع صفحات الخبراء حتى تطور معرفتك بمهارتك.
👈باقي المبلغ أسس فيه website قدم فيه نماذج أعمالك واعرض باقات خدماتك واصنع محتوى قيم للسوشيال ميديا واعمل لك جمهور.
👈الرحلة هذه ممكن تستغرق معك 6 شهور حتى تكون صاحب مهارة قادر تبيع خدماتك وتتطور حتى توصل للاحترافية وتصير خبير بمهارتك وسعرك عالي وعملاءك مميزين.
..
اعمل بهذه النصائح وبعدها احكيلي عن قناعاتك بالحياة ورؤيتك للأمور👌
#شغل_عقلك #أنت_مش_كوشوكة
#بيكفي_هبل
#بلال_العدلوني✍️
بقلم محمد الكويفي
اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....
0 التعليقات
