ترتيب الفلاتر في الصوت

مفيش ترتيب ثابت او بلاجنز ثابتة بتتحط ع الصوت تظبطه، سواء في الميكس أو الماستر، اختيار البلاجنز وترتيبها، بيبقى حسب المشاكل اللي في الصوت، أو التحسينات اللي عايز أضيفها للصوت، مثلًا فيه تردد مزعج يبقى هستخدم Surgical eq مفيش خلاص مش هضيفه، فيه Peaks كتير يبقى هستخدم Compressor مفيش خلاص مش هضيفه، فيه حروف صفيرية كتير، هضيف Deesser مفيش خلاص مش هضيفه وهكذا، ودا بيأكد إنك ماينفعش تشتغل ع التراك ودماغك فاضية، لازم أولًا تحدد المشكلات اللي هتشتغل عليها، ثانيًا التحسينات اللي هتضيفها للأغنية. ودايمًا حل المشكلات يكون الأول وبعدين التحسينات دي ممكن تعملها أو لأ حسب ذوقك وطبيعة العمل، الأدوات اللي هتحتاجها بشكل أساسي في حل المشكلات هي الإيكولايزر والكومبريسور، وبرضه دول هتستخدمهم في مرحلة التحسينات، وهتضيف عليهم أدوات تاني زي Saturation (Tape -Tupe -Transistors) - 

  -imager - autotune as an effect - إلخ.

الفكرة اللي عايز أقولها مفيش حاجة ثابتة لكل الأغاني، ثقف نفسك فنيًا، بإنك تسمع أغاني كتير من النوع اللي انت بتشتغل عليه، عشان يبقى عندك الصورة الذهنية اللي هتحاول توصلها لما تيجي تشتغل. ثانيًا إدرس الأدوات كويس أوي واعرف كل حاجة بتشتغل إزاي وليه وامتى، بعدين جرب واشتغل وقابل مشاكل ودور على حلولها، مع الوقت هتكتسب خبرة وهتقدر تبني الـ Chain الخاصة بيك، والـ Presets اللي تسهل شغلك، وحتى لو قررت تستخدم الـ presets اللي بتييجي مع البرامج هتبقى فاهم امتى تستخدمه وامتى تستخدمه كنقطة بداية تعدل عليها لو احتجت ...

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: