لو انت موزع موسيقي أو مهندس صوت، وشغال على اغنية، حاول قدر الإمكان تقلل من عدد مرات سماع الأغنية اللي شغال عليها في المرة الواحدة، أو في الجلسة الواحدة، لإن كتر سماعك للأغنية هيخلي ودنك تتشبع منها، ولو دا حصل، مش هتقدر تحدد مشاكل الصوت لو انت مهندس صوت، وهتلاقي دماغك وقفت ومش عارف تضيف إيه لو كنت موزع.
وانت شغال ع الأغنية أصلا، حاول تشتغل ع المشاكل اللي في الصوت، من غير ما تفضل تـ Loop في الأغنية، خليك بخيل على ودنك، شوقها دايمًا للأغنية، وخلي دايمًا الأغنية جديدة على ودنك، كمان بعد ما تخلص الأغنية بلاش تحطها على موبيلك وتفضل تعيد وتزيد فيها خمس تلاف مرة، أقفل السيشن وخلاص ماتسمعش الأغنية بعد ما تخلص، غير لما تفتح السيشن تاني يوم أو بعدها بكام يوم، ولو حسيت إنك وصلت للتشبع، والفاس وقعت في الراس، ابعد عن الأغنية تمامًا، يوم اتنين أسبوع. لحد ما تنسى الأغنية شوية، وتحس إنك قادر تسمعها بودن Fresh.
موضوع بسيط لكن مهم جدًا وبيفرق سواء مع الموزع أو مهندس الصوت.
EasyMix إيزي ميكس
بقلم محمد الكويفي
اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....
0 التعليقات
