عيوب عسل النحل
.....................................

و حضرتك رايح تاكل

غلط كبير انك تبدأ بالحاجة الحلوة

لأن السكريات بتقفل مراكز التذوق
و تخلي كل الأكل اللي بعد كده طعمه مش حلو و الذنب مش ذنب الأكل طبعا
يعني  لو أكلت حضرتك عسل نحل و بعدين  أكلت تفاحة
هتحس طعم التفاحة مش حلو
و التفاحة اصلا ملهاش ذنب غير انك سبقت و اكلت قبلها عسل نحل

سويسرا حلوة بزيادة
مافيهاش غلطة..
طبيعة ساحرة..
مباني كتحف فنية...
جبال..
بحيرات  بالهبل ....
اكتر مكان في العالم فيه مية عذبة مقارنة بعدد السكان...
حنفيات المية في الشوارع بتنزل مية صالحة لشرب الأطفال..
لو معاك بيبي ممكن تحضر له رضعة منها

بلد تخلي نفسك تقفل
و تخليك عايز تغير بشوية بتنجان مقلي و لمون مخلل

سويسرا تخليك تشتاق لبهارات شرق آسيا

البلاد زي الأكل
لا فضل لبلد على بلد الا بالطعامة و اللذاذة

و رب باذنجانة بالخل و الثوم تحدث أثرا في النفس أطيب من الشهد و العنب

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: