بإذن الله مش حتخدى ولا تدى ولادك مضاد حيوى تانى ..

 
كلنا بنعانى من البرد , ارتفاع الحرارة , احتقان الانف او اللوز او الحلق

مع اننا عندنا الحل و مش بنستخدمه دايما بنجرى على المسكنات و المضادات الحيوية الى ليها اثار جانبيه لا تعد ولا تحصى , ده غير انها بتضعف المناعه و بتخلى الجسم يعتمد عليها و علشان كده بعد كل مره بيجى فيها دور مبنكملش شهر و بنرجع نبرد تانى
لان الجسم خلاص مناعته كسلت

طيب ايه بقى نعمل ايه ؟؟؟

الحل كما وصانا نبينا الحبيب و كما ذكر القران الكريم

حبة البركة : فيها شفاء لكل داء عدا السقم ( و السقم المقصود به الموت )
عسل النحل : فيه شفاء للناس
الليمون : مطهر و قاتل للميكروبات و قابض

طبعا حتقولولى ييي زيت حبه البركة عندنا و مش بنستخدمه طعمه يييع
لالالالالالا

هاتوا ورقه و تعالوا و متنسوش القلم


عايزيين مج كبير



حطى بقى فيه معلقتين حبه البركة حصى بس معلقتيين كبار
و بعد كده حطى عليهم مياه مغليه
و غطى المج شويه باى طبق صغير
البخار الى حيطلع منه حيتكثف ( حيبقى على الطبق ) نزلى الى طلع تانى فى الكبايه لان دى زيوت طياره مفيدة
بعد كده هاتى معلقتتين عسل ابيض او على حسب ما تحبى



اخر حاجه يا جميل
نجيب لمونتتين او اكتر على حسب بقى ما تقدرى و تعصريهم على المج



حيبقى طعمه زى الشاى بالليمون بالظبط
و الاطفال بتحبه بس كترى العسل و قللى الليمون لما تديه لطفل
و مستحب تخدى منه 3 مرات فى اليوم
او مرة بالليل و تدخلى تتكلفتى

فى حبه بركة حتفضل فى الكبايه ممكن تكليهم لمضاعفه الفايدة الى مش عايزة عادى
بس بجد حتلاحظوا الفرق على طول باذن الله

و طبعا ده مفيد للحوامل و انا سالت الدكتور بتاعى لانى طبعا مينفعش اخد اى دوا ء اثناء الحمل

و حتستغربوا انا عرفت الوصفه دى منين !!!
واحد قريبنا متجوز واحده امريكية كل ما تنزل مصر تاخد معاها 4 او 5 كيلو حبه البركة ؟؟؟
فسالتها مره قالتلى انها مش بتاخد اى مضادات حيويه بتاخد بس الوصفه دى و هى عيانه و بتبقى كويسة على طول
سبحان الله الغرب بيتداوى بالطب النبوى بتاعنا



أتمنى منك عزيزي القارئ ان استفدت من الموضوع ان تقوم بنشره مع ذكر المصدر http://mik111.wordpress.com

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: منوعات