لو سمحت ايه رايك في الاستثمار في صندوق الاستثمار بتاع بنك .... الاسلامي !؟
وعلى فكرة البنك كويس وزي الفل وعندهم هيئة شرعية ربنا يبارك فيهم وبيشتغلوا طبقاً لاحكام الشريعة الاسلامية !
أنا : تمام ربنا يبارك : طيب في سؤال حضرتك تعرف ايه هي نوعية الاسهم واسماء الشركات اللي بيستثمروا فيها !؟
لا والله ما اعرف
طيب شوف حضرتك الصندوق الاستثماري ده عبارة عن وعاء كده زي سلة بيحطوا فيها اكتر من سهم لاكثر من شركة متنوعة من حيث المخاطر والانشطة الخ
فلازم تعرف نوعية الشركات اللي الصندوق بيستثمر فيها !
ومش مجرد ما يكون نشاط الشركة حلال يبقى هي متوافقة مع أحكام الشريعة الاسلامية
ممكن تكون الشركة نشاطها حلال ولكن راس مالها ممول من تمويلات ربوية زي القروض او سندات او الخ من التمويلات الربوية !
طيب ودي هعرفها منين !؟
هتعرفها من القوائم المالية
يعني انا هراجع القوائم المالية لكل الشركات
ايوه يا فندم ولو لمره واحدة بس تتأكد من صحة المعلومة دي
والحد الاقصى المسموح به في التمويل المحرم لرأس المال ٣٠ ٪ و ده يكون بيمثل حد اقصى ٥٪ من ايرادات الشركة
يعني لو النسبة زادت عن كده يبقى الشركة دي لا يجوز الاستثمار فيها كأن نشاطها محرم بالظبط
لان لو رأس المال مصدره قرض ربوي يبقى لا جيوز الاستثمار فيها
كمان في معلومة مهمه ما ينفعش الشركة دي اللي مموله راس مالها بأقل من ٣٠٪ يبقى في نص في عقودها وتأسيسها انها تجيز التعامل بالربا
يعني مثلاً شايفه بجواز الاستثمار في أدوات الدين
طيب ما كده كل الشركات هيكون عندهم مشكله شرعية
لا في شركات نشاطها حلال ورأس مالها من ملاكها او مصادر تمويل اسلامي
ولو قليله فهو ده اللي يسعك تعمله
طالما هتشتغل في البورصة الاوراق المالية لازم تعرف
احكامها الشرعية
طيب مفيش شركات بتعمل تصنيف للأوراق المالية وتقول مدى توافقها لاحكام الشريعة الاسلامية وتقول نسبة التطهير كام
على حد علمي في السوق المصري لا يوجد
ولكن في السوق الامريكي موجود اكتر من شركة متخصصة في التصنيف زي ( zoya & faltara) الخ
وفي شركات تانيه كتير بس الموضوع فعلاً هيحتاج بحث و عناية ودراسة وتحري الحلال والحرام والاختبار والمراجعة حتى لهذه الشركات
لو عايز تعرف اكتر عن الموضوع ده اسمع البودكاست بتاعي انا ود. Ashraf Kotb 👇🏻 هتستفاد منه كتير اتكلمنا فيه عن تفاصيل كتير بخصوص احدث التقنيات المستخدمة في التداول المتوافق مع احكام الشريعة الاسلامية
والله أعلى وأعلم
#باسم_عليوة
#معاملات
#زكاتي
#سبوبة_حلال
بقلم محمد الكويفي
اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....
0 التعليقات
