مساء الخير
اليوم راح احكي عن البيبال ومشاكله وقصص الاغلاقات الكثيرة اللي بتصير هالايام هاي وقصة توتثيق الحساب وخاصة اثبات السكن اللي الكل بيعاني منه وبالاخر للاسف حسابو بيتم اغلاقه من ورا اثبات السكن ....
لما بدك تنشئ حساب بيبال لازم تعملو بجواز سفر ساري المفعول غيرهيك ما بيزبط.. ليش لانو البيبال بعد مدة بيطلب منك اثبات هوية واذا ما كان عندك الجواز وقتها بعوض الله علي الحساب وما تسمع من حد يقللك انا بزور الك الجواز كله عالفاضي بينكشف عندهم .
اما بالنسبة لاثبات السكن يا جماعة انا حكيت في هاد الموضوع قبل هيك مليون مرة وبرجع وبكرر للمرة المليار انو كل الورق اللي موجود في غزة
( مضرووووووووووووووووووووووووب ومكشووووووووف ) لانو نفس البيانات اللي راح تاخدها بتنعطي لمليون غيرك وغير حق الورقة اللي هتدفعها للي بيقدم اوراق ثبوتية هوا همو فلوسك ما همو حسابك لو سكر حسابك وقتها راح ترجعلو وهيقلك هاي سياسة موقع انا ماليش دخل وبيقلك ورقتي رسمية مليون في المية .... انا بنصح الجميع ما حد يتعامل مع الورق اللي فايع هالايام هاي حرام تدفع فلوس علي الفاضي ولو زبط فتحت حساب هاي الورق بيكون من كل 100 بيزبط 1
واذا طلب البيبال منك اثبات سكن حاول انتا تدبر ورقة من عندك ما تقولي ما بعرف شوف اي حد من معارفك بشتغل في اسرائيل يدبر الك الورقة ولو كانت الورقة لفاتورة هاتف محمول بيكون افضل بكتيير بعيدا عن ورقة شركة الكهرب ...
وفيه طريقة تانية لاثبات السكن بدي اجربها علي حساباتي في الاول ولو زبطت معايا راح احكيلكو عنها ان شاء الله
وبرجع تاني وبقول ما حد يتعامل مع الورق اللي فايع في غزة وبالنهاية انتا حر..
معلومة هامة// ما تخلي فلوسك دايما في البيبال كل ما يجتمع فيه مبلغ اسحبو بسرعة لانو البيبال ما اله امان خالص
تحياتي
محمد الطناني
بقلم محمد الكويفي
اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....
0 التعليقات
