حاجات لازم كل شب وبنت من غزة يفهموها قبل ميفكروا يروحوا عتركيا!
١- اللي عضمه طري ومش قد حاله ميجيش.
٢- اللي جاي مفلس بنصحه ميجيش.
٣- اللي ملهش صحاب يساعدوه ويوجهوه ميجيش.
٤- اللي ما عنده مؤهلات ميجيش.
٥- اللي ما عنده خطة ميجيش.
٦- الشغل مش سهل و ٩ساعات يومياً عالأقل.
٧- الرواتب قليلة جداً من ٤٠٠-٦٠٠$ بالمجمل.
٨- البلد ما بتعطيك فلس بتاخد منك وبس.
٩- السكن صعب ومش زي متتخيل.
١٠- اللغة مش سهلة أبداً.
١١- الأتراك مبيعرفوش انجليزي ونادر ميعرفوا عربي.
١٢- ثقافتهم بتختلف عنا ١٨٠ درجة وحتنصدم بأشياء كتير.
١٣- البلد كبيرة ويومك حيضيع مواصلات.
١٤- العرب هناك مش ثقة.
١٥- طلعت ولا نزلت اسمك بنظرهم أجنبي (yabancı).
١٦- نجاح غيرك لا يعني نجاحك وفشل غيرك لا يعني فشلك.
١٧- متنغرش بصور الناس عانستغرام.
١٨- متنغرش بصور الناس عانستغرام.
١٩- متنغرش بصور الناس عانستغرام.
٢٠- متنغرش بصور الناس عانستغرام.
ملاحظات:
*الكلام أعلاه للي جاي ومفكر تركيا بلجيكا ولا السويد، لكن اللي جاي سياحة ومعاه شوية فلوس بده ينبسط فيها ييجي وهو مغمض حينبسط أكيد.
*لكل قاعدة شواذ.
*حتى اللي نجحوا نجاح باهر الله أعلم بظروفهم وعددهم مش كبير.
*البلد مثالية للطلاب والتجار.
*من تقطعت بهم السبل في بلدهم، تركيا بلد أفضل من أوروبا بالنسبة لاستقرار العيلة بشرط توفر الفلوس.
*في أشياء ما بتنكتب وما بتنقال.
بقلم محمد الكويفي
اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....
0 التعليقات
