معلومات ممكن تفيدك لو مسافر سويسرا أو أوروبا بشكل عام:
- الفنادق بتوفر كروت مواصلات مجاناً طوال فترة الإقامة، فلما توصل ماتقطعش غير تذكرة الذهاب للفندق.
- المشي في سويسرا متعة لوحده، فحاول تكون خفيف وأنت بتتحرك، إلا لو متجوز ومعاك طفل رخم وزنان فالله يعينك على اللي هتكون فيه ولو عرفت تسربه قبل السفر اعمل كده وهتدعيلي طول عمرك.
- احجز الـ activities اللي عايز تعملها من خلال تطبيق GetYourGuide أو Viator علشان ماتصدعش نفسك بالترتيب، إلا لو عايز تقضيها أي حاجة، علماً بإن الـ activities أسعارها متفاوتة وبتبدأ من 15 يورو.
- رتب حجوزات الفنادق بالكامل قبل ما تتحرك للسفر، الأسعار في أوروبا بتتغير حسب اليوم وحسب هل اليوم weekend ولا لا، و Airbnb اختيار مناسب لو حجزت قبل سفرك بمدة.
- لو قاعد أسبوع مثلاً، احجز كارت القطار SwissPass هيوفر عليك كتير جداً، وهتقضي وقت حلو.
- اشتري المياة من السوبرماركت زي COOP أو Migros، بيقى الـ ٦ بحوالي ٤ يورة وأقل، وخليها في الفندق وخد معاك وأنت خارج، قزازية المياة الواحده بتتباع بداية من 1.5 يورو وأوقات ب2.5، وهتلاقي عندهم فراخ مشوية بسعر بسيط مش متذكر ٧ ولا ٨ يورو ،فمش هتعاني مع الأسعار إلا لو قربت من المطاعم، أقل ساندوتش في سويسرا ب13 يورو، وأقل بيتزا ب20 يورو.
- قضي وقتك بالشكل اللي تحبه في أي مدينة في سويسرا، وممكن تحجز قطر للمطار في Zurich على فرض إنك هتسافر منه، ده هيساعدك إنك ماتحجزش ليلة زيادة في Zurich علشان تلحق الطيارة مثلاً.
- سويسرا جنة الله في أرضه، فحاول تستمتع بكل لحظة ولو متجوز هتنبسطوا جداً، وتاني لو عندك طفل أقل من ٣ سنين ماتخدوش معاك علشان هتندم، ورحلة سعيدة.
بالنسبة لأوروبا عامة:
- لو هتقضيها أورديحي، اخر يوم لك في كل بلد اعمل check-out من الفندق الظهر، وسيب الشنط في الفندق واحجز Flixbus للدولة اللي بعد كده بالليل (وخصوصاً لو البلد بعيدة شوية) بعد الساعة 11 وغالباً بيكون فيه الساعة 12، وبكده هتضمن تقضي الليلة في الBus بدل ما تدفع في الفندق ليلة على الفاضي سواء في البلد اللي أنت فيها أو البلد اللي رايح لها.
- اشتري كارت المواصلات في كل بلد بتروحها (لو فيه يعني)، هيوفر عليك فلوس كتير جداً.
- نزل تطبيق OMIO لحجز القطر والباص والطيران وبيجيب لك الأسعار ومقارنات بين الشركات وبعضها.
- نزل تطبيق Flixbus علشان تعرف تحجز الباص بين الدول وبعضها، وكل ماحجزت بدري كل ما كان السعر حلو.
معلومة صغننة كده: لو قررت تركب Flixbus ومعاك طفل، اعمل حسابك يكون معاك Car seat علشان مايترخمش عليك من موظف الباص، اللي غالباً هيرفض إنك تركب بدون ماتشتري واحد.
- نزل تطبيق RATP في فرنسا علشان تعرف خطوط المترو ومواعيده.
- نزل تطبيق Next Stop Paris في فرنسا برده علشان تعرف الأماكن اللي تقدر تروحها في باريس.
- نزل تطبيق I Amsterdam في أمستردام علشان تعرف ايه الأماكن اللي ممكن تزوها ببلاش، وممكن تشتري الكارت IAmsterdam أونلاين وتستلمه من مكتبهم قدام Central Station.
- لو لك في السكوتر الكهربي، ممكن تنزل تطبيق Lime وتستخدمه في تحركاتك بديل للعربية أو المشي.
وللحديث بقية ;)
بقلم محمد الكويفي
اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....
0 التعليقات
