مساء الفل

من ضمن الحاجات اللى بتقلق اي حد داخل المجال هي ال timeline لأنهم بيشوفوا كذا تايم لاين لافلام اجنبية فبيجيلهم احباط ومش بيكملوا في المونتاج وبيقولوا انهم عمرهم ماهيوصلوا للأحترافية دي . طب ماتيجي نقسم التايم لاين مع بعض ونشوف الناس المحترفة دي بتعمل ايه ؟

اول حاجة زي ماحنا عارفين ان التايم لاين بيتقسم لتراكات Audio و Video

نبدأ بالفيديو

1- التراك الاول لحد التالت او ممكن كمان لحد الرابع بنحط فيه الفيديوهات او الماتريال وفي مجالنا بنسميها Footage واحنا هنا بنتكلم لما تيجي تمنتج افلام بروفيشنال او حاجات بتحتاج فيها الكم ده من التراكات عشان تشتغل عليه . اما لو مونتاج بسيط معتقدش هتوصل للمرحلة دي .

2- التراك الخامس ده مختص ب vfx بالتالي عادة انت كمونتير بتبقى مجهزه للي هيعمل شغل ال vfx بحيث لما يخلص شغله تضيفه انت في المنتج بتاعك .

3- التراك السادس وده مختص بتلوين الفيديو سواء كان color correction او color grading والفرق بينهم هنزله في مقالة مختلفة ان شاء الله .

4- التراك السابع حاجة اسمها matte او ممكن نسميها scope ودي البار اللى بتشوفه باللون الاسود فوق الفيديو وتحت الفيديو
5- التراك التامن Subtitles فتعالى نفترض انك بتعمل مونتاج لفيلم عربي وفي كلام بالانجليزي او بالاسباني مثلا انت اكيد هتكتب الترجمة للمشاهدين عشان يفهموا ايه اللى بيتقال . فالتراك ده بيكون مخصص للنقطة دي .

بالتالي لو بصينا على كم التراكات دي ولما تيجي تمنتج مشاريع كبيرة وحطيت فيها التراكات دي كلها مع ضخامة الوقت بتاع المشاريع دي مثلا وليكن ساعتين لفيلم او ساعة ونص هتلاقي التايم لاين كبير معاك

اكيد طبعا احنا مش بنقلل من المجهود بتاعك عشان توصل للتايم لاين بالشكل ده . بس بالشكل ده انت كدة تقدر تنظم شغلك وتبقى عارف كل تراك هيتحط فيه ايه .

وهشرح اساليب تانية ان شاء الله عن ان ازاي انك تلون التراكات دي وازاي ده هيفيدك في شغلك وانت بتمنتج وخاصة لو عندك كذا شخصية جوه المشروع بتاعك

اشوفكم في مقالة جديدة وشرح ال Audio ان شاء الله . بالتوفيق

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: