الفلاتر

الفلاتر  

هى اجزاء بتركب فوق العدسة عشان تزود من امكانياتها او حمايه لها

الفلاتر مصنوعه من ؟

  المواد اللى بيتصنع منها الفلاتر بالترتيب من الأجود للأقل جودة :

1. الزجاج (Glass) الأغلى والأضعف والمعرض للكسر اكثر من غيره لكن الأجود 
2. الراتنج (Resin) مادة صمغية بتطلع من الشجر وبتتعالج بعد كدة 
3. البوليمر (Polymer) نوع من أنواع البلاستيك الشفاف المعالج
4. الجيلاتين (Gelatin)بطلوا يستخدموه ونادر لما بنلاقيه فى أى فلتر 
5. النايلون (Nylon) ما ينفع لوحده لكنه ممكن يبقى طبقة بين طبقتين زجاج مثلا أو راتنج 

UV  أولا فلتر الحماية 

نعتذر لبشاعة المنظر .. بس تخيله بدون فلتر

  

 وهو أشهر فلتر بين كل الفلاتر وغالبا كل محلات الكاميرات بتبيع الكاميرات معاها هدية الفلتر .. عشان نوضح الصورة الفلتر اسمه UV Ultraviolet rays

Polarizer ثانيا فلتر البولورايزر 

الفلتر وظيفته إنه يزود تشبع الألوان ويقلل الانعكاسات الغير مرغوبة فى الصور ..بيستخدم فى أغلب أنواع التصوير لكن اللاند سكيب أكتر 

 أمثلة علي استخدام الفلتر

معالجة وزيادة الألوان

تقليل الانعكاسات

Neutral Density “ND” ثالثا : فلتر

الفلتر فى منه أكتر من نوع لكن وظيفتهم متقاربة وهى انهم بيقللوا الضوء  اللى داخل للكاميرا يعنى زى ما النظارة الشمس بتعمل فى العين بالظبط والهدف من استخدامه بيبقي تزويد زمن التعريض و استخدام سرعة غالق أبطئ لعمل تأثيرات علي الصورة 

فى نوع بيبقى كله لون واحد وده بيبقى لون واحد  ودة نموذج من تأثيره 

لما الضوء بيقل بتقدر تستخدم شاتر سبيد اقل وبالتالى تسجل الحركة

   

GND Filter وفى نوع متدرج من الشفاف تماما للون الغامق

  ” بيبقى مربع ” وده بيدى تأثير درامى للصورة يعنى بيظبط ضوء السما والأرض مع بعض عن طريق انه يغمق السما 

وادى نموذج من تأثير الفلتر

وده شرح للفلتر بيعمل اية بالظبط فى كل جزء 

 Close Up Filters رابعا فلاتر الكلوس اب ” الماكرو “  

 الفلتر بيشتغل كعدسة مكبرة وبالتالى بيخلينا نقدر نعمل فوكس على الأجسام الصغيرة من مسافة أقرب وده اللى بيخلينا نصور صورة مكبرة

Colorized Filters خامسا الفلاتر الملونة

والنوع ده من الفلاتر مبقاش مستخدم أوى زى زمان عشان كان بيستخدم فى تصوير الأبيض والأسود 

فكرة الفلتر انه بيلغى لون كامل من الصورة فبيدى كونتراست عالى فى الصورة ودى بتدى نتايج كويسة فى التصوير الأحادى Monocromes 

Soft Focus Filters سادسا :فلاتر السوفت فوكس 

الفلاتر دى وظيفتها عمل سوفت فوكس يعنى بتقلل الشاربنس بتاع العدسة وده بيبقى مطلوب لعمل تأثيرات فنية فى بعض الأوقات خصوصا فى تصوير الأشخاص 

 Special Effects Filters سابعا فلاتر التأثيرات الخاصة 

فلاتر بتستخدم عشان تعمل بيها تأثيرات خاصة ..فى فلاتر بتحول إضاءات الخلفية المعزولة لأشكال هندسية وهكذا <<

 وفلاتر تانية بتستخدم لتصوير المجوهرات عشان تعمل زى اللينس فلاير فيها وإيفيكتات تانية كتير 

وفى فلاتر بتغير توازن اللون الأبيض ..لكن الفلاتر اللى فوق دى أكثر الأنواع انتشارا 

وده نموذج من فلاتر التأثيرات 

عشان تشترى فلتر لازم تبقى عارف هتستخدمه على عدسة إية عشان الفلتر بيتباع بالمقاس

لكن لو عايز تستخدم نفس الفلتر على أكتر من عدسة  تعمل إيه ؟

بسيطة فى حاجة اسمها

Step up & Step Down mounts

 بيركبوا على العدسة عشان يخليها تاخد المقاس الأكبر أو الأصغر من الفلتر .لكن نصيحة خليك فى الستب أب افضل لإن كل ما كان الفلتر أكبر من العدسة أو قدها كل ما كانت النتائج أفضل

وده شكلهم

أخر حاجة أشهر ماركات الفلاتر 

• Lee
• B&W
• Hoya
• Tiffen
• Cokin
• Singh-Ray
• phottix
• opteka

المصادر والمراجع

cambridgeincolour.com

photographylife.com/

picturecorrect.com

exposureguide.com

camerafilters.com/

www.dpfwiw.com

https://www.mik1111.blogspot.com https://www.facebook.com/kauifi

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: مونتاج - تصوير - اخراج