طريقة الحصول على توثيق قناة اليوتيوب

طريقة الحصول على توثيق لقناة اليوتيوب

خطوات وشروط بسيطة تقدر من خلالها توثق قناة اليوتيوب الخاصة بيك (علامة √ بجانب اسم القناة)

1- لازم يكون عندك موقع (دومين) مش مجرد صفحة على بلوجر أو تمبلر, ولازم الموقع يكون تم التحقق من ملكيته من خلال ادوات مشرفي الموقع على جوجل ودي كلها خطوات بسيطة وسهلة وبتحتاج إضافة كود بسيط الموقع ودي ممكن أنت تعملها أو المسئول عن تطوير الموقع بتاعك.

2- حتربط قناتك بجوجل بلس ولو ماكنتش عامل كده أكيد شفت اليوتيوب كل شوية بيطلعلك رسالة يطلب فيها ربط القناة بأكاونت جوجل بلس.

3- حتضيف عنوان السايت للقناة كده : من الـ channel settings حتختار advanced وبعدين تضيف عنوان السايت في خانة Associated website والمفروض يظهرلك علامة خضراء وكلمة success

4- حتربط السايت بأكاونت جوجل بلس، يعني حتضيف للسايت لينك لأكاونت جوجل بلس اللي قناتك عليه.

5- بعد الخطوة السابقة لما تيجي تضيف عنوان السايت بتاعك ضمن معلومات صفحة الجوجل بلس حيظهر علامة صح جنب اسم السايت وده معناه إن أكاونت جوجل بلس والسايت اتربطوا بشكل سليم .
6- يفضل برضه تضيف لمعلومات صفحة جوجل بلس عنوان بريدك الإلكتروني اللي معمول ع السايت يعني @your-domain-name

7- صفحة الجوجل بلس لازم يكون عليها عدد كبير من المشتركين ، مش محدد كام ومافيش رقم رسمي لكن قول في المتوسط أكتر من 1000 أو 1500 مثلا .

الخطوات اللي فاتت دي ممكن يكون فيها حاجات زيادة مالهاش لازمة في عملية الحصول على التوثيق بس أهو زيادة تأكيد. المفروض كده تكون مستوفي كل الشروط والقناة يتم التحقق منها بعد فترة .
للمزيد من المعلومات
https://support.google.com/youtube/answer/3046484?hl=en
طريقة ربط الويب سايت بجوجل بلس بالتفصيل
https://support.google.com/plus/answer/1713826
طريقة التحقق من ملكية الموقع في ادوات مشرفي الموقع
https://support.google.com/analytics/answer/1142414?hl=ar

محمد الكويفي

بقلم محمد الكويفي

اعلامي ومدون من غزة -فلسطين- ماجستير ادارة إعلام، بكالوريوس صحافة واعلام، دبلوم تكنلوجيا معلومات، دبلوم لغة انجليزية في الصحافة والسياسة، مدرب اعلام وانتاج ....

Posted in: برامج